Sanepan.
Sanepan iku unen-unen sing ngemu tegese kosok balen.
1. Abang dluwang : putih/pucet banget.
2. Abot kapuk : entheng banget.
3. Abot merang sagedheng : entheng banget.
4. Agal glepung : lumer banget.
5. Aji godhong garing : ora ana ajine.
6. Amba godhong kelor : ciyut banget.
7. Anteng kitiran : polahe ora karuwan.
8. Arang kranjang : kerep banget.
9. Arang wulu kucing : akeh banget.
10. Arum jamban : banger banget.
11. Atos debog : empuk banget.
12. Banter keyong : alon banget.
13. Bening leri : butheg banget.
14. Benjo tampah : bunder banget.
15. Brintik linggis : lurus/kaku banget.
16. Dhuwur kencur : endhek banget.
17. Gedhe gurem : cilik banget.
18. Jero tapak meri : cethek banget.
19. Kandel kulit bawang : tipis banget.
20. Kedhep tesmak : jinggleng/mentheleng.
21. Kuning silit kwali : ireng banget.
22. Kuru semangka : lemu banget.
23. Landhep dhengkul : kethul banget.
24. Legi bratawali : pait banget.
25. Lemes pikulan : kaku banget.
26. Lonjong mimis (mlayu) : banter banget.
27. Pait madu : legi banget.
28. Peret beton : lunyu banget.
29. Resik peceren : kotor banget.
30. Rindhik asu digitik : cepet banget.
31. Suwe banyu sinaring : cepet banget.
32. Suwe mijet wohing ranti : cepet banget.
Sumber : Kawruh BASA JAWA PEPAK.
