Patrape Nggawa.
1. Mandhi : nggawa (bedhil gada) dipanggul.
2. Manggul : nggawa ditumpangake ing pundhak (cengel).
3. Mbopong : nggawa sarana ditumpangake ing tangan loro.
4. Mikul : nggawa nganggo pikulan (ditumpangake ing pundhak).
5. Munji : manggul bocah (tangane bocahe cekelan sirahe sing manggul).
6. Ngempit : nggawa dijapit ing cangkalan (kelek).
7. Ngemban : nggawa ing bangkekan nganggo slendhang.
8. Ngindhit : nggawa ing bangkekan (nggawa klenthing, kranjang).
9. Nggembol : nggawa apa-apa dilebokake ing jarit.
10. Nggendhong : nggawa ditumpangake ing geger (nganggo slendhang utawa ora).
11. Nggotong : nggawa kajunjung wong akeh.
12. Nyangga : nggawa ditumpangake ing tangan.
13. Nyangking : nggawa digantung ing tangan.
14. Nyangklek : nggawa (bocah, lsp). Dilinggihake ing bangkekan banjur dirangkul.
15. Nyengkiwing : nggawa sing panyekele ing pucuking bae.
16. Nyunggi : nggawa ditumpangake ing sirah.
Sumber : Kawruh BASA JAWA PEPAK.
